བོད་ཀྱི་དཔེ་སྐྲུན་པ་དང་ལོ་རྒྱུས་ཞིབ་འཇུག་པ་རྒྱལ་མོ་འབྲུག་པ་ལགས་ནི་1957ལོའི་ཟླ་6པར་མདོ་སྨད་བསང་ཆུ་རྫོང་ (ད་ལྟ་གཙོས་གྲོང་ཁྱེར་གྱི་ཁོངས་སུ་འདུས།) རྒྱལ་མོ་དགོན་ཞང་དུ་སྐྱེས། ད་ལྟ་ཁོང་གིས་ཀྲུང་གོའི་བོད་རིག་པ་དཔེ་སྐྲུན་ཁང་གི་དབུ་འཛིན་དང་། རྩོམ་ཞུས་པ་ཆེན་མོ། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་རིག་གཞུང་ཨུ་ཡོན་ལྷན་ཚོགས་ཀྱི་ཁོངས་མི། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པ་སློབ་གླིང་གི་ཞིབ་འཇུག་སློབ་མའི་དགེ་རྒན། ཀྲུང་གོའི་བོད་བརྒྱུད་ནང་བསྟན་མཐོ་རིམ་སློབ་གླིང་གི་གདན་ཞུས་ཞིབ་འཇུག་པ་དང་། ཀྲུང་གོའི་བོད་ལྗོངས་རིག་གནས་སྲུང་སྐྱོབ་དང་དར་སྤེལ་མཐུན་ཚོགས་ཀྱི་ལས་འཛིན་སོགས་ཀྱི་འགན་གཅིག་ལྕོགས་སུ་བཞེས་ཡོད།  

༄༅། །ཀུན་བཟང་ཐུགས་སྤྲུལ་ལྷ་ཆེན་སྦོམ་ར་ལ། སྒོ་གསུམ་གུས་པ་ཆེན་པོས་ཕྱག་འཚལ་ལོ། བཻ་རོའི་ལུང་བསྟན་གསལ་བྱེད་ཉི་མའི་དཀྱིལ་འཁོར་ལས། གནས་མཆོག་ཁྱད་པར་སྦོམ་རའི་མཚན་ཅན་ལ། ཞལ་མཐོང་ཙམ་གྱིས་ངན་སོང་སྒོ་མོ་ཁེགས། ཀུན་བཟང་གཤེན་ལྷས་བྱིན་གྱིས་བརླབས་པའི་གནས། གྲུབ་ཆེན་བརྒྱད་ཅུས་འགོག་པའི་དོན་དགོངས་པས། སྔར་འདས་སངས་རྒྱས་ས་སྟེང་གཤེགས་པའི་ཤུལ། ད་ལྟའི་སངས་རྒྱས་གཤེན་རབ་བགྲོད་པའི་གནས། མ་འོངས་སངས་རྒྱས་མེ་སྒྲོན་འབྱོན་པའི་ལམ། རྩེ་མོ་ནམ་མཁའི་ལྕགས་ཀྱི་གུར་ཁང་ན།

ཆུ་གཙང་ནི་ཆུ་མིག་ཅིག་སྟེ། ཚལ་རྔ་འགག་གྲོང་རྡལ་སྲིད་གཞུང་གི་ནུབ་བྱང་ཕྱོགས་ན་ཡོད། ཡུལ་འདིའི་རྒན་རབས་པས་བཤད་པ་ལྟར་ན། གནས་འདིར་དཀར་ཕྱོགས་ཀྱི་ཀླུ་རིགས་གནས་པའི་ཆུ་མིག་ཁྱད་པར་ཅན་ཞིག་ཡོད་པ་དེར། རྒྱུན་དུ་དམར་སོགས་ལ་འཛེམས་ནས་དག་གཙང་གི་ཆོ་གར་འབྲེལ་ཏེ་མཆོད་བཀུར་བྱས་ན། དེས་དངོས་གྲུབ་གནང་བར་གྲགས་པས་མིང་ཡང་དེ་སྐད་དུ་ཐོགས།