ཡུལ་ལྗོངས།

མགོན་ལུང་ནི་ཆོས་རྗེ་ཡུལ་ཚོ་སྲིད་གཞུང་གི་ལྷོ་ཕྱོགས་སྤྱི་ལེ་༣༨ཡས་མས་ཀྱི་མཚམས་ན་ཡོད་ཅིང་། ཁ་ནུབ་ནས་བྱང་ཤར་ཕྱོགས་སུ་འཁོར་ཡོད། འབྲེལ་ཡོད་དཔྱད་ཡིག་ལས། སྔོན་གྱི་དུས་སུ་ཐར་ཤུལ་ཚུལ་ཁྲིམས་ཆོས་སྐྱོང་རྒྱ་མཚོ་མཆོག་གནས་འདིར་བཞུགས་སྐབས། ཉིན་ཞིག་ཁོང་གིས་མདུན་འདུག་པས། མདང་ངའི་རྨི་ལམ་དུ་ལུང་པ་འདིའི་ནང་ང་རང་མི་བོ་ཆེ་ནག་པོ་ཞིག་དང་ཕྲད་བྱུང་།

མཚོ་མགོ་རྒྱལ་ར། མཚོ་མགོ་རྒྱལ་ར་ནི་གནའ་མཁར་ཞིག་སྟེ། རིག་སྨོན་གྲོང་རྡལ་སྲིད་གཞུང་གི་ནུབ་ཕྱོགས་སུ་སྤྱི་ལེ ༢༧ གྱིས་ཆོད་པའི་རྒྱ་ཡེ་སྡེ་བའི་ས་ཐོག་གམ། མཚོ་སྔོན་པོའི་མཚོ་མགོ་ན་ཡོད་པས་མིང་ཡང་དེ་སྐད་དུ་གྲགས། འདིའི་ཤར་ནུབ་ཀྱི་སྲིད་ལ་སྨི ༡༧༠ དང་། ལྷོ་བྱང་གི་ཞེང་ལ་སྨི་ ༡༥༠ ཡོད། མཁར་སྒོ་ལྷོ་ཕྱོགས་སུ་བསྐོར་ཡོད། ངག་རྒྱུན་ལ། མཁར་རྫོང་འདི་ནི་བཙན་པོའི་སྐབས་སུ་བོད་ཀྱི་དམག་དཔུང་གིས་བོད་ཀྱི་རྒྱལ་པོའི་བཀའ་དགོངས་བཞིན། མཚོ་སྔོན་པོའི་མཚོ་སྲིབ་དང་མཚོ་མགོ། རིག་སྨོན་གཞོངས་ཀྱི་མགོ་རྔ་སོགས་སུ་བཙན་མཁར་དུ་མ་བརྩིགས་པར་གྲགས་པའི་ཡ་གྱལ་ཞིག་ཡིན་པར་མ་ཟད། མགར་སྟོང་བཙན་ཡུལ་སྲུང་སོགས་ཀྱིས་རྒྱལ་པོའི་ཚབ་མཛད་ནས་མཚོ་གཏེར་འབུལ་སའང་ཡིན་པར་བཤད།