གྲོས་ཆོད་ཁག

༄༅།། བོད་ལྗོངས་མདོ་སྨད་ཆོལ་ཁའི་དབུས་རྒྱུན་སྐབས་བཅུ་དྲུག་པའི་དམིགས་བསལ་ཚོགས་ཆེན་གྱི་གྲོས་གཞི་གྲོས་ཆོད་ཁག གྲོས་གཞི་དང་པོ།  ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་གྱ་ལྔར་ཕེབས་སྐབས་བརྟན་བཞུགས་བསྟར་འབུལ་ཞུ་ཐབས། གྲོས་གཞི་དང་པོའི་གྲོས་ཆོད། ༡༽ ༸གོང་ས་༸སྐྱབས་མགོན་རྒྱལ་བའི་དབང་པོ་མཆོག་ཕྱི་ལུགས་དགུང་གྲངས་ ༨༤ དང་བོད་ལུགས་ ༨༥ ལོར་༸དགུང་གེགས་ལ་ཁེལ་བཞིན་ཡོད་པས་༸མགོན་པོ་མཆོག་ཚུལ་བསྟན་༸དགུང་གེགས་ཀྱི་མཚན་མ་ཕྲ་མོ་ཙམ་ཡང་མི་བཞེས་པར་བསྟན་འགྲོ་སྤྱི་དང། བྱེ་བྲག་བོད་གངས་ཅན་པ་རྣམས་ཀྱི་མགོན་དཔུང་དམ་པར་༸ཞབས་པད་བསྐལ་པ་ཁྲི་ཕྲག་ཏུ་བརྟན་ཅིང། རླབས་ཆེན་ཐུགས་བཞེད་མཐའ་དག་གེགས་མེད་ལྷུན་གྱིས་འགྲུབ་སླད། བརྟན་བཞུགས་བསྟར་འབུལ་གྱིས་སྐུ་ཚེ་ཡུན་དུ་བརྟན་པའི་གསོལ་བ་ཕུར་ཚུགས་སུ་འདེབས་རྒྱུ།  སྤྱི་མོས།

༄༅།། ཕྱི་ལོ་ ༢༠༠༧ ཟླ ༣ ཚེས ༡༦ ཉིན་༸སྤྱི་ནོར་གོང་ས་༸སྐྱབས་མགོན་ཆེན་པོ་མཆོག་དགུང་གྲངས་བདུན་ཅུ་དོན་གསུམ་དངོས་གཞིར་ཕེབས་པའི་སྐུའི་དགུང་སྐེག་སྐབས་གཞིས་བྱེས་མདོ་སྨད་ཡོངས་ཀྱིས་༸ གོང་ས་མཆོག་ལ་སྐུ་བརྟན་བཞུགས་བསྟར་འབུལ་དང་སྟབས་བསྟུན་མདོ་སྨད་ཆོལ་ཁའི་དམིགས་བསལ་ཚོགས་ཆེན་ཕྱི་ལོ་ ༢༠༠༧ ཟླ ༣ ཚེས ༡༨ དང ༡༩ ཉིན་གཉིས་རིང་ཚོགས་པའི་གྲོས་ཆོད་ཁག་གཤམ་གསལ།