ཤེས་ཡོན་པའི་སྡེ།

བྱིས་དུས་ཀྱི་མིང་ཆ་ཚང་ལ་རྡོ་རྗེ་རབ་བརྟན་དང་ཡོངས་གྲགས་སུ་རབ་བརྟན་ཟེར། དགོན་པར་སོང་བ་ནས་ཤེས་རབ་དར་རྒྱས་ཞེས་འབོད།

དགེ་རྒན་འཕྲིན་ལས་དང་དཔལ་ཆེན་རྣམ་གཉིས་ཀྱི་མདུན་ནས་སུམ་ཅུ་བ་དང་རྟགས་འཇུག་སྦྱངས། 1971ལོར་ཁྲི་ཀ་ནས་སྲིད་གཞུང་གི་ལས་ཀར་ཞུགས་ནས། ལོ་གསུམ་རིང་ཁྲི་ཀ་རྫོང་གི་ཞང་རིམ་པར་ཟབ་ཞུགས་ཀྱིས་རྒྱ་བོད་སྐད་གཉིས་ཀྱི་ཡིག་ཆ་དྲིལ་སྒྲོག་གི་འགན་འཁུར།  1974ལོར་ནུབ་བྱང་མི་རིགས་སློབ་གྲྭ་ཆེན་མོར་ཞུགས།

མདོ་སྔགས་རིག་གནས་དང་བཅས་པར་གཞན་དྲིང་མི་འཇོག་པའི་མཁས་པའི་དབང་བོ་རྗེ་འཇིགས་མེད་ཐེག་མཆོག་ལགས་ནི་རབ་བྱུང་བཅུ་དྲུག་པའི་ཤིང་རྟ་ཕྱི་ལོ1954ལོའི་ཟླ6པའི་ཚེས13ཉིན་རེབ་གོང་གསེར་མོ་ལྗོངས་ཞེས་པའི་ཡུལ་གྱི་ལེ་ལག སྨད་པ་ཧ་ར་བ་དྷི་ཞེས་བྱ་བར་ཡབ་འཕགས་པ་སྐྱབས་དང་ཡུམ་ཀླུ་མོ་བྱམས་གཉིས་ཀྱི་སྲས་སུ་སྐུ་འཁྲུངས། ཚེ་ཏན་ཞབས་དྲུང་རྗེ་འཇིགས་མེད་རིགས་པའི་བློ་གྲོས་མཆོག་གིས་མིང་ལ་རྡོ་རྗེ་ཚེ་བརྟན་ཞེས་འདོགས་གནང་མཛད་ཅིང་། སེམས་དཔའ་ཆེན་པོ་རྗེ་ངག་དབང་ཆོས་ལྡན་གྱི་སྐུའི་སྒྱུ་འཕྲུལ་དུ་ངོས་འཛིན་མཛད།