འཕྲོད་བསྟེན་ཤེས་བྱ།

ཞུ་བར་དགག་སྒྲ་མ་བསྣན་པས་མ་ཞུ་བ་ཞེས་ནམ་རྒྱུན་ང་ཚོས་གང་ཟོས་པའི་ཁ་ལག་དེ་དག་ཕོ་བའི་གནས་སུ་ལེགས་པར་འཇུ་མི་ཐུབ་པ་དེར་མ་ཞུ་བ་ཞེས་བརྗོད་པ་རེད།

གསོ་བྱེད་སྙིང་པོ་ཡན་ལག་བརྒྱད་པ་གསང་བ་མན་ངག་ཡོན་ཏན་རྒྱུད་ཀྱི་སྐབས་གསུམ་པའི་ནང་གསེས་ཆམ་པའི་ནད་ལ་སྨན་བཅོས་བྱེད་སྟངས་སྐོར་ལ་ཅུང་ཟད་ཅིག་ཞུ་རྒྱུ་ཡིན།དེ་ལ་ཆམ་པའི་ནད་ཀྱི་རྒྱུ་དང་།  རྐྱེན་དང་།  དབྱེ་བ་དང་།  རྟགས་དང་།  བཅོས་ཐབས་དང་རྣམ་པ་ལྔ་ཡོད།

དེང་དུས་ཕྱི་ལུགས་སྨན་གྱི་བརྡ་ཆད་ཊི་བི་(TB) ཞེས་པའི་ནད་དེ་ལ་བོད་ལུགས་ལས་གློ་གཅོང་ཟད་བྱེད་ཅེས་ངོས་འཛིན་བྱེད་ཅིང་། དེ་ཡང་རྒྱུན་ལྡན་ཟས་སྤྱོད་མི་མཐུན་པ་ཡུན་རིང་བསྟེན་པའི་རྐྱེན་གྱིས་ཕོ་བའི་མེ་དྲོད་ཉམས་ནས་ལུས་ཀྱི་ཟུངས་སྟོབས་རྒྱས་པར་མི་འགྱུར་བར་ཟད་པས་གཟུགས་པོའི་ནད་འགོག་ནུས་པ་(immune system) ཉམས་ཞན་དུ་སོང་བའི་གནས་སྐབས་སུ་ཆམ་རིམས་ལ་སོགས་ཕོག་ནས་རིམ་པས་གློ་གཅོང་ཟད་བྱེད་ཀྱི་ནད་དུ་འགྱུར། འདི་ནི་ཡུན་རིང་སྨན་བཅོས་བྱེད་དགོས་པའི་ནད་ཅིག་ཡིན་པ་མ་ཟད། གཞན་ལ་འགོས་ཁྱབ་ཆེན་པོ་འགྲོ་བའི་ནད་ཅིག་ཀྱང་ཡིན་ལ་སྨན་བཅོས་ཀྱང་དུས་ཐོག་མ་བྱས་ན་བཅོས་དཀའ་བའི་ནད་དུ་འགྱུར་ནས་ཚེ་སྲོག་ཀྱང་འཕྲོག་པར་བྱེད།