བོད་ལྗོངས་མདོ་སྨད་ཆོལ་ཁའི་དྲྭ་བ། བྱོན་པ་ལེགས།
ཤེས་ཡོན་དང་ཉམ་ཐག་རོགས་སྐྱོར་གྱི་སྒྲིག་གཞི།
དོན་ཚན་དང་པོ། སྒྲིག་གཞིའི་མིང་།
ཤེས་ཡོན་དང་ཉམ་ཐག་རོགས་སྐྱོར་གནང་ཕྱོགས་ཀྱི་སྒྲིག་གཞི་ཞེས་འབོད་རྒྱུ།
དོན་ཚན་གཉིས་པ། སྒྲིག་གཞིའི་ཆ་རྐྱེན།
སྒྲིག་གཞི་འདི་བོད་ལྗོངས་མདོ་སྨད་ཆོལ་ཁའི་ལས་དོན་བྱེད་ཕྱོགས་ཀྱི་སྒྲིག་གཞིའི་ལེའུ་ལྔ་བ་སྤྱི་ཚོགས་བདེ་དོན། དོན་ཚན་ ༩ པའི་ཚན་པ་ཁ་བའི་འོག་བཀོད་སྒྲིག་བྱས་པ་ཡིན།
དོན་ཚན་གསུམ་པ། སྒྲིག་གཞི་འགོ་འཛུགས།
སྒྲིག་གཞི་འདི་ཕྱི་ལོ་ ༢༠༡༩ ཟླ་ ༠༤ ཚེས་༠༡ ནས་ལག་བསྟར་འགོ་འཛུགས་བྱ་རྒྱུ།
དོན་ཚན་བཞི་པ། སྒྲིག་གཞིའི་དམིགས་ཡུལ།
སྒྲིག་གཞི་འདི་བོད་ལྗོངས་མདོ་སྨད་ཆོལ་ཁོངས་ཀྱི་མཐོ་རིམ་སློབ་ཕྲུག་རྣམས་ཀྱི་ཤེས་ཡོན་གོང་མཐོར་གཏོང་ཆེད་དང་། སྤྱི་ཚོགས་བདེ་དོན་གྱི་ཆེད་ཡིན།
དོན་ཚན་ལྔ་པ། རོགས་སྐྱོར་ཞུ་ལེན་གྱི་དགོས་ངེས་ཆ་རྐྱེན།
༡། སློབ་ཡོན་རོགས་སྐྱོར་ཞུ་ལེན་གྱི་དགོས་ངེས་ཆ་རྐྱེན།
༡ སློབ་ཡོན་ཞུ་དགོས་པའི་ཁ་གསལ་སྙན་ཞུ།
༢ དྭང་བླངས་དཔྱ་དངུལ་ལག་དེབ་ཀྱི་ངོ་བཤུས།
༣ མདོ་སྨད་ལག་འཁྱེར་བྱང་བུའི་ངོ་བཤུས།
༤ སློབ་གྲྭའི་ལག་འཁྱེར་གང་ཡོད་ཀྱི་ངོ་བཤུས།
༥ ས་གནས་རྒྱུན་ལས་སམ་སློབ་ཕྲུག་འབྲེལ་མཐུད་པའི་ངོས་སྦྱོར།
༦ སློབ་གྲྭའི་ངོ་སྤྲོད་ལག་འཁྱེར་གྱི་ངོ་བཤུས།
༧ སློབ་ཡོན་ཕུལ་བའི་བྱུང་འཛིན་བཅས་ངེས་པར་དུ་དགོས།
༢། ཉམ་ཐག་རོགས་སྐྱོར་ཞུ་ལེན་གྱི་དགོས་ངེས་ཆ་རྐྱེན།
༡ རོགས་སྐྱོར་ཞུ་དགོས་པའི་ཁ་གསལ་སྙན་ཞུ།
༢ དྭང་བླངས་དཔྱ་དངུལ་ལག་དེབ་ཀྱི་ངོ་བཤུས།
༣ མདོ་སྨད་ལག་འཁྱེར་བྱང་བུའི་ངོ་བཤུས།
༤ ས་གནས་རྒྱུན་ལས་སམ་ས་གནས་འབྲེལ་མཐུད་པའི་ངོས་སྦྱོར་བཅས་ངེས་པར་དུ་དགོས།
དོན་ཚན་དྲུག་པ། ཤེས་ཡོན་དང་ཉམ་ཐག་རོགས་སྐྱོར་གྱི་འགེངས་ཤོག
རོགས་སྐྱོར་ཞུ་མཁན་རྣམས་ཀྱིས་ངེས་པར་དུ་རོགས་སྐྱོར་གྱི་འགེངས་ཤོག་དགང་དགོས་ལ། རོགས་སྐྱོར་གྱི་འགེངས་ཤོག་མདོ་སྨད་ཆོལ་ཁའི་དྲྭ་གནས་སུ་ཕབ་བཤུས་སམ། ཡང་ན་ས་རྒྱུན་དང་འབྲེལ་མཐུད་པ་སོགས་ཀྱི་སར་ལེན་འཐུས།
ཟུར་རྗོད།
རོགས་སྐྱོར་འབྱོར་རྗེས་ངེས་པར་དུ་དོ་བདག་གིས་འབྱོར་འཛིན་དབུས་རྒྱུན་ལས་ཁང་ལ་འབྱོར་ཐུབ་པ་བྱ་དགོས།
