བཀུར་འོས་བོད་ལྗོངས་མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་འགན་འཛིན་ལྷན་ཚོགས་དང་། དབུས་རྒྱུན་ཟུར་བ། ས་གནས་རྒྱུན་ལས། ས་གནས་འབྲེལ་མཐུད་པ་བཅས་ཀྱི་དྲུང་དུ།

ཁྱོད་ཀྱིས་མི་དམངས་ལ་བྱ་བ་བཟང་པོ་བསྒྲུབས་ནའང་མི་དམངས་ཀྱི་སེམས་ན་ཡོད་པ་དང་།བྱ་ན་ངན་པ་བསྒྲུབས་ནའང་མི་དམངས་ཀྱི་སེམས་ན་ཡོད།

འབྲུག་སྐྱབས་ལགས་ནི་1970ལོར་མཚོ་སྔོན་ཞིང་ཆེན་མགོ་ལོག་གཅིག་སྒྲིལ་དུ་སྐྱེས་ཤིང་། ཉེ་བའི་ལོ་བཅུ་ཕྲག་གི་རིང་ཕ་ཡུལ་གྱི་རི་སྐྱེས་སྲོག་ཆགས་གང་མང་པར་མིག་བརྒྱུད་དེ་བརྙན་དང་པར་རིས་ཀྱི་གཟུགས་སུ་བླངས་ཤིང་། ཐེངས་མང་པོར་BBCཡི་དངོས་བཤུས་བརྙན་ལེན་དང་ཀྲུང་དབྱང་བརྙན་འཕྲིན་ཁང་གིི་དངོས་བཤུས་བརྙན་ལེན་ཚན་ཆུང་སོགས་སུ་ཞུགས་ཤིང་རིན་བྲལ་གྱི་རྒྱུ་ཆ་མཁོ་འདོན་བྱས་མྱོང། དེ་ཡང་ཁོང་གི་བརྩམས་ཆོས་མང་པོར་རྒྱལ་ཕྱི་ནང་གི་བྱ་དགའ་དང་གཟེགས་རྟགས་ཐོབ་ཡོད།