ཡུལ་སྲོལ་གོམས་གཤིས།

བྱིས་པའི་མནོལ་སྐྲ་ལེན་སྐོར་ལ་ཡུལ་ལུང་སོ་སོ་མི་འདྲ་བའི་རྣམས་གྲངས་ལོས་ཡོད་འདོད། འདིར་ངའི་བརྗོད་པར་འདོད་པ་ནི། ང་རང་གི་ཕ་ཡུལ་ཏུ་མི་རབས་ནས་མི་རབས་ནས་བརྒྱུད་ནས་ཡོང་བའི་དུས་སྟོན་གྱི་རྣམས་གྲངས་དག་ལས་དཔེར་ན་བག་སྟོན་དང་སྦྲ་སྟོན། ཁང་སྟོན། བརྒྱད་བཅུའི་གྱ་སྟོན། བྱིས་པའི་མནོལ་སྟོན་སོགས་ལས་སྐབས་སུ་བབས་པ་བྱིས་པའི་མནོལ་སྟོན་གྱི་སྐོར་ཡིན།

དམངས་སྲོལ་རིག་གནས་འདི་ཡང་རིག་གནས་གཞན་པ་ཀུན་དང་འདྲ་བར་འགྲོ་བ་མིའི་སྤྱི་ཚོགས་འཚོ་བའི་ནང་དུ་མེད་མི་རུང་བའི་རིག་གནས་ཤིག་ཡིན་པ་མ་ཟད། འགྲོ་བ་མིའི་སྤྱི་ཚོགས་ཆེན་མོའི་ཁྲོད་དུ་གོ་གནས་ཀྱང་ངེས་ཅན་ཞིག་བཟུང་ཡོད། གལ་ཏེ་སྤྱི་ཚོགས་ཐོག་ཏུ་དམངས་སྲོལ་རིག་གནས་ལ་དགེ་མཚན་དང་ཕན་ནུས་ཆུང་བ་དང་། ཡང་ན་ཡོད་ཀྱང་ཆོག་ལ་མེད་ཀྱང་ཆོག་པ་ཞིག་དང་། མི་ཚང་མའི་རྒྱུན་ལྡན་འཚོ་བའི་ནང་དུ་དགོས་མཁོ་དབེན་པ་ཞིག་ཡིན་ན། འཇིག་རྟེན་སྟེང་གི་མི་རིགས་སོ་སོའི་དམངས་ཁྲོད་དུ་དེ་འདྲའི་རིག་གནས་ཤིག་ཡོངས་ཁྱབ་ཏུ་དར་མི་སྲིད།

ས་གཞི་གོ་ལ་འདིའི་སྟེང་འཚོ་བཞིན་པའི་མི་རིགས་གང་ཞིག་ཡིན་རུང་མི་རིགས་རང་ཉིད་ལ་དབང་བའི་ཐུན་མོང་མ་ཡིན་པའི་ཡུལ་སྲོལ་གོམས་གཤིས་དང་སྲོལ་རྒྱུན་རིག་གནས་སོགས་ཡོད་ལ། དེ་ནི་མི་རིགས་རང་ཉིད་དུས་རབས་འཕེལ་འགྱུར་གྱི་གོམས་འགྲོས་ཁྲོད་དུ་སྟངས་སྟབས་བརྟན་ཞིང་བརྗིད་པའི་སྒོ་ནས་མདུན་དུ་སྐྱོད་པའི་གཞི་མ་ཡིན།དེ་བས་གངས་ཅན་ཁ་བའི་ལྗོངས་སུ་འཚོ་ཞིང་གནས་པའི་གངས་ཅན་པ་དག་ལ་མཚོན་ནའང་དེ་ལས་མ་འདས་ཏེ་ཕ་བྱང་ཆུབ་སེམས་དཔའ་དང་མ་བྲག་སྲིན་མོ་གཉིས་ལས་རིགས་རྒྱུད་མཆེད་པ་ནས་ད་བར་དུ་འཕེལ་ཡོང་བ་དང་འཕེལ་འགྲོ་བཞིན་པའི་དམངས་སྲོལ་རིག་གནས་གྱ་ནོམ་པ་ཞིག་ཡོད། དེར་ཡང་ཁ་དཔེ་ལ་ལུང་བ་རེ་ལ་ཆུ་རེ་དང་།