པཎ་ཆེན་རིན་པོ་ཆེ།

པཎ་ཆེན་ཨེར་ཏི་ནི་སྐུ་ཕྲེང་བཅུ་པ་བློ་བཟང་ཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག་ནི་བོད་རབ་བྱུང་བཅུ་དྲུག་པའི་ས་སྟག་ལོ་སྟེ་སྤྱི་ལོ1938ལོའི་ཟླ་བ་2པའི་ཚེས་8ཉིན་མཚོ་སྔོན་ཞིང་ཆེན་གྱི་ཞིན་ཧྭ་རྫོང་ཁོངས་བིས་མདོ་ཤང་གི་ངོ་མཚར་ཞེས་པའི་གྲོང་ཚོར་ས་སྐྱ་འཁོན་གྱི་རིགས་ལས་མཆེད་པའི་བིས་མདོ་དཔོན་ཚང་དུ་ཡབ་མདོ་སྟོང་དཔོན་གུར་མགོན་ཚེ་བརྟན་དང་ཡུམ་བསོད་ནམས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས།

སྔོན་ཆད་༡༩༥༨ལོ་ནས་བཟུང་སྟེ་མི་རིགས་རང་སྐྱོང་དེ་མིང་ལ་རང་སྐྱོང་ཟེར་བ་མ་གཏོགས་དོན་ལ་རང་སྐྱོང་ཡོད་པ་མ་རེད།མིང་ཙམ་རེད།མི་རིགས་ཀྱི་དོན་དག་ཚང་མ་སྐད་ཡིག་རེད།མི་རིགས་ཀྱི་ལས་བྱེད་པ་གསོ་སྐྱོང་བྱེད་རྒྱུ་རེད།མི་རིགས་ཀྱི་ཁེ་དབང་རེད།དེ་ཚོ་ཚང་མ་ལ་རྡོག་རྫིས་བཏང་བ་རེད།དཔེ་བཞག་ན།རྨ་ལྷོ་བོད་རིགས་རང་སྐྱོང་ཁུལ་བཙུགས་ཡོད་པ་རེད།མིང་ལ་བོད་རིགས་རང་སྐྱོང་ཁུལ་ཞེས་བཏགས་ཡོད་ཀྱང་འདི་ལ་བོད་རིགས་ཀྱི་སྐད་ཡིག       བོད་རིགས་ཀྱི་ཁྱད་ཆོས་ཚང་བའི་དོན་དག་ཚང་མ་ཡོད་པ་མ་རེད།