མདོ་སྨད་ཡུལ་གྱི་གནའ་ཤུལ་གྲགས་ཅན་ངོ་སྤྲོད།

གནས་ཆེན་བྲག་དཀར་སྤྲེལ་རྫོང་ནི་མདོ་སྨད་ཀྱི་ནང་པའི་གནས་ཆེན་ཞིག་སྟེ།ཞིན་ཧེ་རྫོང་གི་དབུས་རྒྱུད་ནས་ལྷོ་ནུབ་ཕྱོགས་ཀྱི་སྤྱི་ལེ་སུམ་ཅུ་ཙམ་གྱི་མཚམས་ན་ཡོད།གནས་རི་འདིའི་རྩེ་མོ་རྫ་རི་དང་རྐེད་པ་སྤང་རི་ཡིན།རི་དྭགས་དང་གཅན་གཟན་གྱི་རིགས་ལ།གནའ་བ།རྒོ་དམར།གླ་བ།སྤྱང་ཀི།ཝ།བྱི་བ།རི་བོང་།ཨ་བྲ།བྱི་ལོང་།སྲེ་མོང་སོགས་ཡོད།འདབ་ཆགས་ཀྱི་རིགས་ལ།རྒོད་ཐང་དཀར།ཐང་ནགགླགགོ་བོ།ནེ་ལེ།ཁྲ།ཕོ་རོགསྲེག་པ།གོང་མོ།ཕུག་རོན།བྱེའུ་སྣ་ཚོགས་བཅས་ཡོད།སྐྱེ་དངོས་ཀྱི་རིགས་ལ།ཤིང་ཤུག་པ།གླང་མ།སྤེན་མ།དབྱར་རྩྭ་དགུན་འབུ།ལྕུམ་རྩ།ཐང་ཕྲོམ།སྤང་རྒྱན་མེ་ཏོག་སོགས་མེ་ཏོག་སྣ་ཚོགས།སྤང་རྩྭའི་རིགས་སྣ་ཚོགས་བཅས་ཡོད།

ར་མོ་མཁར་དམར། ར་མོ་མཁར་དམར་ནི་འབྲོང་འཐུས་ཡུལ་ཚོའི་ར་མོ་ཐང་ཞེས་པའི་ས་ཆར་ཡོད་ཅིང་།དེའི་མཁར་གྱང་ས་དམར་ཁོ་ནས་གྲུབ་པ་ཞིག་ཡིན་པས་མིང་ཡང་དེ་སྐད་དུ་ཐོགས།འདི་ལ་ཡོངས་གྲགས་སུ་ར་མོ་མཁར་དམར་ཟེར་ཞིང་།