ནང་པའི་ཆོས་ཀྱི་གཞུང་ནས་ཕྱི་སྣོད་ཀྱི་ཁོར་ཡུག་དང༌། ནང་བཅུད་ཀྱི་སེམས་ཅན་བར་གཅིག་ལ་གཅིག་བརྟེན་གྱི་འཚོ་གནས་འབྲེལ་བ་དམ་པོ་ཡོད་པར་བརྗོད། ཕྲན་གྱི་གྲོགས་པོ་ཁ་ཤས་ནས་འགྲོ་བ་མིའི་རིགས་ནི་དྲག་རྩུབ་ཅན་ཞིག་ཏུ་བརྗོད་ཀྱི་འདུག་ཀྱང༌། དེ་ལ་ངོས་ནས་མོས་མཐུན་མེད།

༄༅། །ཡེལ་གཙུག་ལག་སློབ་གྲྭ་ཆེན་མོའི་སློབ་དཔོན་མཁས་དབང་ལཡི་ཌོན་དང༌། སྤུན་ཟླ་ཕོ་མོ་རྣམས་ནས་མཛའ་བརྩེའི་མགྲོན་འབོད་གནང་བར་ཤིན་ཏུ་ཐུགས་རྗེ་ཆེ་ཞུ་རྒྱུ་དང༌། ངོས་རང་འདི་གར་བཅར་ཐུབ་པར་དགའ་སྤོབས་ཆེན་པོ་བྱུང༌།  

༅། །ང་ཚོས་ཤེས་གསལ་ལྟར། འགྲོ་བ་མིའི་ཁྱད་ནོར་རྣམས་ལ་རྩི་སྲུང་མི་བྱེད་པའི་མིའི་བྱ་སྤྱོད་ཀྱིས་འཛམ་གླིང་ས་སྟེང་གི་ཞི་བདེ་དང་སྲོག་ཆགས་རྣམས་རྒྱུན་གནས་མི་ཐུབ་པའི་ཉེན་ཁ་བཟོ་བཞིན་ཡོད། རང་བྱུང་གི་བཀོད་པ་དང༌། དེ་དག་གི་བདག་འབྲས་བཅུད་ནོར་རྣམས་ཀྱི་གཏོར་བཅོམ་ནི། མི་ཤེས་པ་དང༌། འདོད་རྔམས། སྲོག་ཆགས་ལ་བརྩི་མཐོང་མེད་པ་བཅས་ལས་བྱུང་བ་ཡིན།