ནང་དོན་གསར་བ།

ཨ་ཕ་བོད་དོན་དུ་བོར་ནས་ལོ་གཉིས་ཕྱིན་ཐལ།

དེ་རིང་ཟླ་ ༦ ཚེས་ ༨ ཉིན་ནི་བོད་སྐྱོད་ཞི་བའི་འཐབ་རྩོད་པ་དང་རྩོམ་པ་པོ་གླིང་ཚ་ཚེ་བརྟན་རྡོ་རྗེ་བོར་བརླག་ཏུ་སོང་ནས་ལོ་ཧྲིལ་བོ་ ༢ འཁོར་བའི་ཉིན་མོ་རེད། གསར་འགྱུར་བརྒྱུད་ལམ་ཁག་ཏུ་གླིང་ཚ་ཚེ་བརྟན་རྡོ་རྗེ་གླེང་སློང་ཤུགས་ཆེན་བྱེད་བཞིན་འདུག་ལ། སྤྱི་ཚོགས་བརྡ་འཕྲིན་ཁག་ཏུའང་རྩོམ་ཡིག་སྤེལ་བ་དང་སྙན་ངག་འབྲི་བ། པར་དང་བརྙན་སོགས་བརྒྱུད་འགོད་བྱེད་པ་སོགས་ཀྱི་ལམ་ནས་གླིང་ཚ་འཚོལ་བཞིན་འདུག

མུ་མཐུད་ཀློག

ཏོག་དབྱིབས་ནད་རླབས་གསུམ་པ་ཡོང་ཉེན་ཡོད་པས་ཡིད་གཟབ་དགོས་པའི་འབོད་སྐུལ་གནང་།

དེ་རིང་བོད་མིའི་སྒྲིག་འཛུགས་ཀྱི་ཏོག་དབྱིབས་ལས་དོན་ཚོགས་ཆུང་གིས་གསར་འགོད་གསལ་བསྒྲགས་ཐེངས་ ༦༢ གནང་བ་ལྟར་ན། ཏོག་དབྱིབས་གཉན་རིམས་ཀྱི་ནད་རླབས་དང་པོ་སྟེ། ཕྱི་ལོ་ ༢༠༢༠ ཟླ་ ༥ ནས་ཕྱི་ལོ་ ༢༠༢༡ ཟླ་ ༢ བར་རྒྱ་གར་དང་བལ་ཡུལ་ནང་ཁྱོན་ཏོག་དབྱིབས་ནད་པ་ ༡༥༦༦ བྱུང་བ་དང་། མི་ ༤༠ རྐྱེན་འདས་སུ་ཕྱིན། ནད་རླབས་གཉིས་པའི་སྐབས་རྒྱ་གར་དང་བལ་ཡུལ་ནང་ཕྱི་ལོ་ ༢༠༢༡ ཟླ་ ༣ ནས་ ༥ བར་དུ་ནད་པ་ ༢༤༥༣ བྱུང་བ་ལས་མི་ ༨༢ རྐྱེན་འདས་སུ་ཕྱིན་ཡོད་འདུག

མུ་མཐུད་ཀློག