གཟིགས་མོ་བཀྲ་ཤིས་སྒང་ནི་འབར་ཁམས་རྫོང་ཀྱོམ་གྱོ་ཡུལ་ཚོར་ཡོད་པ་དང་།སྤྱི་ལོ༡༣༩༦ལོར་བཏབ་མོད།འདེབས་མཁན་ཁ་གསལ་མི་འདུག ཆོས་བརྒྱུད་བཀའ་བརྒྱུད་ཡིན།

མཚོ་སྟེང་དགོན་ནི་ཆུ་ཆེན་རྫོང་ས་བར་གྱོ་ཡུལ་ཚོར་སྤྱི་ལོ་༡༠༢༥ལོར་བཏབ་པ་དང་།ཆོས་བརྒྱུད་བོན་ཡིན།འདི་ལ་དཔལ་གཤེན་བསྟན་ནོར་བུའི་གླིང་ཡང་ཟེར།འདིར་སྔོན་ཆད་གྲྭ་བ་༧༠༠བཞུགས།ཁྲོ་སྐྱབས་རྒྱལ་བོའི་དགོན་ཡིན་སྟབས།རྒྱལ་ཁོངས་ཀྱི་གྲྭ་བ་ཡོངས་རྫོགས་འདིར་འཚོགས་དགོས།

ལྷ་རྩེ་དགོན་ནི་གསེར་རྟ་རྫོང་རྒྱ་ཤོད་ཞང་དུ་རབ་བྱུང་༡༡མཇུག་ཏུ་གཡུང་དྲུང་ཁྲོ་རྒྱལ་མཆོག་ཡིན་པ་དང་།ཆོས་རྒྱུད་རྙིང་མ་ཡིན། དགོན་པ་འདི་ཉིད་སྔར་ཁྲོ་སྐྱབས་ས་ཁོངས་སུ་ཡོད་པར་སྣང་།དགུང་ལོས་བྲིས་པའི་དབལ་ཤུལ་གསེར་ཐར་གྱི་ལོ་རྒྱུས་གསར་བསྒྲིགས་བློ་ལྡན་མིག་གི་བདུད་རྕིར།འདི་ཉིད་གསེར་བ་ཡེ་ཤེས་སེང་གེས་བཏབ་པར་བཤད།གཉན་ཆེན་བཞག་རི་ལྷ་རྩེའི་རིགས་སྲས་ནམ་མཁའ་དཔའ་བརྟན་གདན་ས་འདིར་འཁྲུངས་པས་དེ་ལྟར་གྲགས།སྲོང་བཙན་སྒམ་པོས་དམག་དཔོན་བེེ་ཙན་བྱ་བ་རྒྱ་བོད་ཀྱི་ས་མཚམས་སྲུང་བར་མངགས་པ་དེས་སྤྱི་ལོ༦༣༩ལོར་སྐུ་མཁར་བརྩིགས་ཤིང་གླིང་བཟའ་གསེར་ལྡན་མཚོ་བསུས་པའི་རྒྱུད་དུ་ཆོས་རྒྱལ་མདོག་གཞེར་ནག་པོ་བྱུང་།དེའི་གདུང་རབས་དགུ་བ་དང་།རྒྱལ་རབས་བཅུ་བདུན་པ་གཡང་དྲུང་ཁྲོ་རྒྱལ་ཡིན།