རྒྱལ་སྤྱིའི་གནས་ཚུལ།

རྒྱ་ནག་གཞུང་གིས་བོད་ནང་གི་བོད་མི་རྣམས་བཙན་གྱིས་ངལ་རྩོལ་སྒྱུར་བཀོད་ཁང་དུ་འཇུག་གི་ཡོད་པའི་ཐད་ཡུ་རོབ་གྲོས་ཚོགས་ཀྱིས་སེམས་འཚབ་བསྟན་པ་དང་འབྲེལ། རྒྱལ་སྤྱིའི་རང་དབང་ཞིབ་འཇུག་ཚོགས་པ་ཞིག་བོད་ནང་འགྲོ་བཅུག་དགོས་པའི་སྐུལ་མ་བཏང་འདུག

བོད་ཀྱི་སྟོད་ལུང་བདེ་ཆེན་རྫོང་ཁོངས་ནས་ལོ་ངོ་ ༡,༦༩,༠༠༠ ནས་ ༢,༢༦,༠༠༠ བར་དུ་བྱུང་བའི་བྱིས་པ་ཞིག་གི་ལག་རྗེས་ལྔ་དང་རྐང་རྗེས་རྙེད་སོན་བྱུང་ཡོད་པ་དང་རྗེས་ཤུལ་དེ་ནི་ད་བར་ཤེས་རྟོགས་བྱུང་བའི་བྲག་བརྐོས་རི་མོས་མཚོན་པའི་གནའ་མིའི་རི་མོའི་སྒྱུ་རྩལ་ཐོག་མ་དེ་ཆགས་ཡོད་སྐོར་བརྗོད་འདུག

ཨ་རིའི་སྲིད་འཛིན་བྷའེ་ཌན་དང་ཞི་ཅིན་ཕིན་གཉིས་ཁ་པར་ཐོག་ནས་འབྲེལ་བ་བྱས་ཏེ། རྒྱལ་ཁབ་གཉིས་བར་འགལ་ཟླར་གྱུར་བའི་གནད་དོན་ཁག་གི་ཐོག་གླེང་མོལ་གྱིས། ཨ་རྒྱ་གཉིས་བར་རྩོད་རྙོག་མི་འབྱུང་བར་འབད་བརྩོན་ཞུ་རྒྱུ་ཡིན་སྐོར་གླེང་ཡོད་འདུག