རྒྱལ་སྤྱིའི་གནས་ཚུལ།

ཟླ་འདིའི་ཕྱི་ཚེས་ ༡༥ ཉིན་ཨ་རིའི་སྲིད་འཛིན་རྗོ་བྷའེ་ཌིན་མཆོག་དང་རྒྱ་ནག་གི་སྲིད་འཛིན་ཞི་ཅིན་ཕིང་གཉིས་ཀྱིས་དངོས་སུ་དྲ་ལམ་ནས་མཇལ་མོལ་ཐེངས་དང་པོ་གནང་སྐབས་བོད་དང་ཀོང་ཧོང་། ཡུ་གུར། དེ་བཞིན་ཐའེ་ཝན་སོགས་ཀྱི་གནད་དོན་སྐོར་ལ་གླེང་སློང་གནང་ཡོད་འདུག

རྒྱ་ནག་གཞུང་གིས་རྒྱ་གར་དང་འབྲུག་སོགས་མཐའ་འབྲེལ་རྒྱལ་ཁབ་ཁག་ལ་མཐའ་མཚམས་དང་འབྲེལ་བའི་རྩོད་རྙོག་རིམ་པར་བཟོ་ཡི་ཡོད་པ་ལྟར་ཕྱི་ལོ་ ༢༠༢༢ ཟླ་དང་པོའི་ནང་ནས་བཟུང་ཁྲིམས་ཡིག་གསར་པ་ཞིག་ལག་བསྟར་བྱ་རྒྱུ་ཡིན་ཚུལ་བསྒྲགས་འདུག

ཨ་རིའི་རྒྱལ་ཡོངས་སིལ་སྤོལ་ལྷན་ཚོགས་(NBA)ཀྱི་རྩེད་འགྲན་པ་གྲགས་ཅན་ཨེ་ནེ་སི་ཀན་ཊར་(Enes Kanter)ལགས་ཀྱིས་བོད་ཀྱི་བདག་པོ་བོད་མི་ཡིན་ཞེས་རྒྱ་ནག་གཞུང་གིས་བོད་ནང་དུ་དྲག་གནོན་མནར་གཅོད་གཏོང་མུས་ཡིན་པ་དེར་སྐྱོན་བརྗོད་ཀྱི་བསྒྲགས་གཏམ་བརྙན་ཐུང་ཞིག་སྤེལ་གནང་འདུག