བོད་ལྗོངས་མདོ་སྨད་ཆོལ་ཁའི་དྲྭ་བ། བྱོན་པ་ལེགས།

དཀྱིལ་གདོང་སྔགས་ཁང་ཆུ་བར་ནོར་བུའི་གླིང་ནི། རབ་བྱུང་བཅོ་ལྔ་པའི་མེ་བྱི་ཕྱི་ལོ་ ༡༨༧༦ ལོར་གྱི་ལིང་ཐུགས་མཆོག་རྡོ་རྗེས་ཕྱག་བཏབ། ཆོས་བརྒྱུད་སྔ་འགྱུར་རྙིང་མ་ཡིན།

ས་མཐོའི་གཅེས་ནོར་དང་གྲུ་གཟིངས་ཞེས་སུ་གྲགས་པའི་འབྲི་གཡག་ནི་འབྲོང་གི་རྒྱུད་པ་ཡིན་ཞེས་སྨྲ་ཞིང་། མཚོ་བོད་ས་མཐོའི་མི་རྣམས་ཀྱི་ཐོན་སྐྱེད་འཚོ་བའི་ནང་མེད་ཐབས་མེད་པའི་གནས་བབ་བཟུང་ཡོད། ས་མཐོའི་མེས་པོ་ཚོ་དང་ཡང་སྒོས་སུ་འབྲོག་དམངས་ཚོས་འབྲི་གཡག་ལ་བརྟེན་ནས་འགྲོ་འཆག་ཉལ་འདུག་གི་རྣམ་ཐར་བསྐྱངས་ཡོད་པ་རེད། ཁོང་ཚོས་འབྲི་གཡག་གི་པགས་སྤུ་ལས་བཟོས་པའི་ཕྱུ་པ་དང་ལྷམ་གྱོན་པ་དང་། འབྲི་གཡག་གི་ཤ་བཟའ་ཞིང་འོ་མ་འཐུང་བ། འབྲི་གཡག་གི་ལྕི་བས་དྲོད་ལེན་བྱེད་ལ་བཟའ་བཏུང་གཡོ་སྐོལ་བྱེད་པ། འབྲི་གཡག་གི་རྩིད་པ་ལས་བཏགས་པའི་སྦྲ་གུར་ནང་སྡོད་པ།

མཚོ་མགོ་རྒྱལ་ར། མཚོ་མགོ་རྒྱལ་ར་ནི་གནའ་མཁར་ཞིག་སྟེ། རིག་སྨོན་གྲོང་རྡལ་སྲིད་གཞུང་གི་ནུབ་ཕྱོགས་སུ་སྤྱི་ལེ ༢༧ གྱིས་ཆོད་པའི་རྒྱ་ཡེ་སྡེ་བའི་ས་ཐོག་གམ། མཚོ་སྔོན་པོའི་མཚོ་མགོ་ན་ཡོད་པས་མིང་ཡང་དེ་སྐད་དུ་གྲགས། འདིའི་ཤར་ནུབ་ཀྱི་སྲིད་ལ་སྨི ༡༧༠ དང་། ལྷོ་བྱང་གི་ཞེང་ལ་སྨི་ ༡༥༠ ཡོད། མཁར་སྒོ་ལྷོ་ཕྱོགས་སུ་བསྐོར་ཡོད། ངག་རྒྱུན་ལ། མཁར་རྫོང་འདི་ནི་བཙན་པོའི་སྐབས་སུ་བོད་ཀྱི་དམག་དཔུང་གིས་བོད་ཀྱི་རྒྱལ་པོའི་བཀའ་དགོངས་བཞིན། མཚོ་སྔོན་པོའི་མཚོ་སྲིབ་དང་མཚོ་མགོ། རིག་སྨོན་གཞོངས་ཀྱི་མགོ་རྔ་སོགས་སུ་བཙན་མཁར་དུ་མ་བརྩིགས་པར་གྲགས་པའི་ཡ་གྱལ་ཞིག་ཡིན་པར་མ་ཟད། མགར་སྟོང་བཙན་ཡུལ་སྲུང་སོགས་ཀྱིས་རྒྱལ་པོའི་ཚབ་མཛད་ནས་མཚོ་གཏེར་འབུལ་སའང་ཡིན་པར་བཤད།