རྒྱལ་སྤྱིའི་གནས་ཚུལ།

རྒྱལ་སྤྱིའི་སྟེང་སྙན་གྲགས་ཆེ་བའི་ཨ་རིའི་ཧ་ཝར་ཌི་གཙུག་ལག་སློབ་གྲྭ་ཆེན་མོས་ལོ་ལྟར་རྒྱ་ནག་པེ་ཅིན་སྐད་ཡིག་རིག་གཞུང་སློབ་ཆེན་(Beijing Language and Culture University) ནང་སྤེལ་བཞིན་པའི་རྒྱའི་སྐད་ཡིག་སྦྱོང་བའི་ལས་གཞི་དེ་ཉིད་ལོ་རྗེས་མ་ནས་ཐའེ་ཝན་ལ་སྤོས་ཏེ་ཐའེ་ཝན་གྱི་རྒྱལ་ཡོངས་གཙུག་ལག་སློབ་གྲྭ་ཆེན་མོའི་ནང་སྤེལ་གཏན་འཁེལ་ཡོད་འདུག  

འདབ་པ་རྫོང་ནས་ལོ་ངོ་གཅིག་འབུམ་སུམ་ཁྲི་ཙམ་གྱི་གོང་ནས་ཡོད་པའི་གནའ་ཤུལ་ཞིག་རྙེད་དེ། དེའི་ཁྲོད་དུ་རྡོ་ཡིས་བཟོས་པའི་གདོད་མའི་མཚོན་ཆའི་རིགས་མང་པོ་ཞིག་ལག་སོན་བྱུང་ཡོད་འདུག

བལ་ཡུལ་གཞུང་གིས་རྒྱ་ནག་གཅིག་གི་སྲིད་ཇུས་ལ་རྒྱབ་སྐྱོར་མཐའ་གཅིག་ཏུ་བྱས་ཏེ། བལ་ཡུལ་ནང་བོད་དང་ཐའེ་ཝན་དང་འབྲེལ་བའི་ལས་འགུལ་གང་ཡང་སྤེལ་བཅུག་རྒྱུ་མིན་སྐོར་བརྗོད་འདུག